У ДТЗ пад Валожынам загінуў 20-гадовы кіроўца

30 сакавіка, Позірк. Аб смяротным дарожна-транспартным здарэнні ў Валожынскім раёне паведамляе УУС Мінскага аблвыканкама.

Аварыя здарылася 30 сакавіка каля 08:00 на 31-м км аўтадарогі Р-56 Маладзечна — Валожын.

“20-гадовы кіроўца, кіруючы аўтамабілем “Аўдзі А4″, не справіўся з кіраваннем транспартнага сродку, у выніку чаго здзейсніў наезд на апору моста”, — гаворыцца ў паведамленні.

Кіроўца ад атрыманых траўмаў памёр на месцы здарэння.

Па факце ДТЗ праводзіцца праверка.

На 6%, паводле папярэдніх звестак, скарацілася ў 2025 годзе агульная колькасць дарожна-транспартных здарэнняў у Беларусі. Пра гэта паведаміў у эфіры дзяржТБ 4 студзеня начальнік галоўнага ўпраўлення ДАІ МУС Віктар Ротчанкаў.

Паводле яго слоў, на 9% знізілася колькасць аварый з пацярпелымі, колькасць загінулых зменшылася на 17, з 434 да 417, аднак пры гэтым узрасла колькасць  загінулых матацыклістаў (колькасць не была названа).