У 2025 годзе беларусы атрымалі з-за мяжы ў 1,5 разы больш сродкаў, чым адправілі

23 сакавіка, Позірк. У 2025 годзе праз міжнародныя сістэмы пераводаў у Беларусь паступіла 159 млн 544 тыс. долараў (тут і далей у эквіваленце) — у 1,5 раза больш, чым адпраўлена за мяжу (105 млн 859 тыс.), вынікае з праведзенага “Позіркам“ аналізу звестак Нацыянальнага банка.

Па выніках кожнага з кварталаў сальда было на карысць паступленняў: у першым — у 1,6 раза (атрымана — 36 млн 53 тыс., адпраўлена — 22 млн 278 тыс.); другім — у 1,6 раза (41 млн 79 тыс. супраць 26 млн 327 тыс. адпаведна); трэцім — у 1,4 раза (40 млн 79 тыс.; 28 млн 345 тыс.); чацвёртым — у 1,5 раза (42 млн 328 тыс.; 28 млн 909 тыс.).

У той жа час сярэдняя сума аднаго пераводу за мяжу была на 23,1% большай, чым у Беларусь (674,35 супраць 547,96): у першым квартале — на 16,1% (адпраўлены — 584,66, атрыманы — 503,42); другім — на 23,6% (671,26 супраць 542,84 адпаведна); трэцім — на 26,22% (720,18; 570,49); чацвёртым — на 24,8% (717,43; 575,05).

У 2024 годзе ў Беларусь паступіла 143 млн 725 тыс. долараў — у 1,9 раза больш, чым адпраўлена за мяжу (75 млн 609 тыс.).