У Расонскім раёне патануў рыбак

22 сакавіка, Позірк. Рыбак 1971 года нараджэння патануў у Расонскім раёне (Віцебская вобласць), паведамляе Рэспубліканскае таварыства ратавання на водах (ТРВОД).

Адзначаецца, што рыбачыць мужчына адправіўся напярэдадні, яго цела вынята з возера 22 сакавіка.

Таўшчыня лёду ў месцы выяўлення загінулага складала менш за пяць сантыметраў, гаворыцца ў паведамленні.

Паводле інфармацыі ТРВОД, у 2025 годзе зарэгістравана 492 здарэнні на вадаёмах, у тым ліку 54 — з непаўналетнімі (у 2024-м — 586 і 75 адпаведна; -16% і -28%).

Ад утаплення загінула 278 чалавек (368; -24,5%), у тым ліку 12 непаўналетніх (22; -45,5%).