2 сакавіка, Позірк. Аб пераносе, паводле папярэдняй інфармацыі, на 3 сакавіка чартарнага рэйса Мінск-Доха-Мінск у сувязі з працягам забароны на палёты грамадзянскай авіяцыі ў паветранай прасторы Катара паведаміла авіякампанія “Белавія“.
Перавозчык адзначыў, што працягвае дзейнічаць забарона на палёты ў ААЭ: запланаваны на 3 сакавіка рэйс “Белавія“ ў Дубай і назад скасаваны.
Раней кампанія паведаміла, што рэйс з Катара “па ўзгадненні з турыстычным аператарам” быў перанесены з 1 на 2 сакавіка. Ён мае статус эвакуацыйнага: у Доху павінен паляцець без пасажыраў, а ў Катары забраць захраслых у краіне беларусаў.
Паветраная прастора Катара і ААЭ закрытая ў сувязі з пачаткам 28 лютага Ізраілем і ЗША ваенных дзеянняў у Іране і ўдарамі ў адказ Тэгерана, якія закранулі цэлы шэраг краін рэгіёну.
