З 2020 года ліквідавана не менш за 1.995 НКА — Lawtrend
6 лютага, Позірк. З 2020 года і да пачатку лютага 2026-га ў Беларусі ліквідавана не менш за 1.995 НКА — аб’яднанняў, прафсаюзаў, фондаў, недзяржаўных устаноў, асацыяцый, вынікае з новага агляду праваабарончай арганізацыі Lawtrend.
На канец снежня 2025 года было ліквідавана не менш за 1.990 НКА, лістапада — 1.984, кастрычніка — 1.977, верасня — 1.970, жніўня — 1.950, ліпеня — 1.948, чэрвеня — 1.944, траўня — 1.936, красавіка — 1.926, сакавіка — 1.917, лютага — 1.905, студзеня — 1.896, на канец 2024 года — 1.891, на канец снежня 2023-га — 1.509.
Агулам за 2025 год ліквідавана мінімум 99 НКА, за 2024-ы — 382, за 2023-ы — 336.
Паводле інфармацыі Lawtrend, на канец студзеня ў працэсе прымусовай ліквідацыі знаходзілася не менш за 1.223 некамерцыйныя арганізацыі. На канец снежня 2025 года такіх было 1.220, лістапада — 1.216, кастрычніка — 1.214, верасня — 1.211, жніўня — 1.193, ліпеня — 1.192, чэрвеня — столькі ж, траўня — 1.190, красавіка — 1.189, сакавіка і лютага — 1.188, студзеня — 1.187, снежня 2024-га — 1.186.
Рашэнне пра самастойную ліквідацыю прыняло сама меней 772 НКА. На канец снежня 2025-га такіх было 770, лістапада — 768, кастрычніка — 763, верасня — 759, жніўня — 757, ліпеня — 756, чэрвеня — 752, траўня — 746, красавіка — 737, сакавіка — 729, лютага — 717, студзеня — 709, на канец 2024 года — 705.
Праваабаронцы падкрэсліваюць, што ў няволі знаходзіцца не менш за тры прадстаўнікі праваабарончых арганізацый, дзясяткі прадстаўнікоў арганізацый грамадзянскай супольнасці, рэлігійных арганізацый, 19 прадстаўнікоў прафесійных саюзаў і працоўнага руху.
