У спіс “экстрэмістаў” дададзена яшчэ 35 чалавек

6 лютага, Позірк. У спіс “асоб, якія маюць дачыненне да экстрэмісцкай дзейнасці”, 6 лютага дададзена яшчэ 35 чалавек. Цяпер у размешчаным на сайце Міністэрства ўнутраных спраў пераліку 6.261 пазіцыя.

У спіс унесеныя:

асуджаныя паводле ч. 3 арт. 361³ Крымінальнага кодэкса Вольга Аляшкевіч, Ірына Лебедзь, Наталля Краўчак, Аляксандр Лебедзь, Таццяна Палубок, Ігар Хіневіч, Алена Жукава, Лілія Юруць, Ілля Ходас, Ірына Дабрыновіч, Віктар Турчэнік (насупраць усіх пазначана “адбываюць пакаранне”); Кірыл Каешка (насупраць яго значыцца “судзімасць не пагашаная”);

асуджаныя паводле ч. 1, 2 арт. 361⁴ КК: Людміла Шрубок, Віталь Цынкель, Вольга Пракопчык, Таццяна Штайда, Ілля Лукашэвіч, Андрэй Сугак, Павел Пісьмянкоў, Станіслаў Ярмалюк, Уладзімір Буткевіч, Аляксандр Маркін, Ангеліна Васільева, Яна Сырэвіч, Уладзіслаў Саўчук, Яўген Скрыпко, Паліна Верамейчук, Юлія Дзяркач, Вераніка Пастушэня, Сяргей Шкодзін (ва ўсіх судзімасць не пагашаная); Іван Качайла, Аляксандр Сульжыц (абодва адбываюць пакаранне);

асуджаны паводле ч. 1 арт. 342, ч. 1, 2 арт. 361⁴, ч. 3 арт. 361¹ КК Максім Шуканаў (адбывае пакаранне);

асуджаны паводле ч. 1 арт. 130, ч. 1 арт. 368, арт. 369, ч. 3 арт. 361¹ КК Міхаіл Горбач (адбывае пакаранне);

асуджаная паводле ч. 1 арт. 368, ч. 2 арт. 367, ч. 3 арт. 361, ч. 3 арт. 361¹, арт. 369¹, ч. 1 арт. 130 КК Таццяна Магнусава (адбывае пакаранне).

Беларускі рэжым рэгулярна папаўняе спісы “экстрэмістаў” і “тэрарыстаў”, “экстрэмісцкіх фарміраванняў” і інфармацыйнай прадукцыі, закладваючы “аснову для працягу дзяржаўнага тэрору і рэпрэсій”, адзначалася ў студзеньскім дакладзе праваабарончага цэнтра “Вясна”.

Даведка “Позірку”:

артыкул 130 КК — распальванне расавай, нацыянальнай, рэлігійнай альбо іншай сацыяльнай варожасці або варажнечы;

арт. 130¹ — рэабілітацыя нацызму;

арт. 361¹ — стварэнне экстрэмісцкага фарміравання альбо ўдзел у ім;

арт. 367 — паклёп у дачыненні да прэзідэнта;

арт. 368 — абраза прэзідэнта;

арт. 369 — абраза прадстаўніка ўлады;

арт. 361³ — удзел на тэрыторыі замежнай дзяржавы ва ўзброеным фарміраванні або ўзброеным канфлікце, ваенных дзеяннях, вярбоўка альбо падрыхтоўка асоб да такога ўдзелу;

арт. 341 — апаганьванне збудаванняў і псаванне маёмасці;

361⁴ — садзейнічанне экстрэмісцкай дзейнасці.