Ад пачатку года адбылося больш за тысячу пажараў, ад агню загінула 135 чалавек

3 лютага, Позірк. Ад пачатку 2026 года ў Беларусі адбылося 1.059 пажараў — у 1,92 раза больш, чым за той жа леташні перыяд, сведчыць праведзены “Позіркам” аналіз аператыўных даных Міністэрства па надзвычайных сітуацыях.

Ад агню загінула 135 чалавек (у 1,85 раза больш; 73), траўмавана — 93 (у 2,11 раза больш; 44), выратавана — 68 (у 1,55 раза больш; 44).

За мінулыя дзяжурныя суткі (з 6:00 2 лютага да 6:00 3 лютага) на пажарах загінула тры чалавекі: два ў Магілёўскай вобласці (Шклоўскі і Хоцімскі раёны), адзін — у Гродзенскай (Мастоўскі раён).