Долар і юань істотна падаражэлі на першых у лютым біржавых таргах
2 лютага, Позірк. Амерыканская і кітайская валюты падаражэлі на таргах Беларускай валютна-фондавай біржы 2 лютага 2026 года.
Курс долара вырас да 2,869 рубля (+1,27%; +0,0359), юаня — да 4,1309 за 10 (+1,37%; +0,056).
Каціроўка расійскага рубля знізілася да 3,7348 за 100 (-0,48%; -0,081).
Таргі еўра не праводзіліся. 30 студзеня ён патаннеў да 3,3831 рубля (-0,69%; -0,0236)
На мінулым працоўным тыдні (26–30 студзеня) каціроўка долара знізілася на 0,38% (з 2,844 да 2,8331), юаня — на 0,04% (з 4,0764 да 4,0749 за 10), еўра (да справаздачнага тыдня апошні раз гандляваўся 15 студзеня) — на 0,23% (з 3,391 да 3,3831); расійскага рубля — вырасла на 0,32% (з 3,7411 да 3,7529 за 100).
На 1,83% (з 2,9027 да 2,8496 рублі) знізіўся афіцыйны курс долара ЗША ў Беларусі ў студзені гэтага года. Гэта другі паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2025 года і 31 студзеня 2026-га.
На першым месцы Расія, дзе долар патаннеў на 3,19% (з 78,2267 да 75,7327 рубля).
Праведзены “Позіркам” параўнальны аналіз каціровак цэнтрабанкаў на 31 снежня 2024 года і 31 снежня 2025-га паказаў, што афіцыйны курс долара ЗША ў Беларусі ў 2025 годзе знізіўся на 16,43% (з 3,4735 да 2,9027 рубля). Гэта другое месца на тэрыторыі былога СССР.
У 2024 годзе Беларусь была чацвёртай паводле росту афіцыйнага курсу амерыканскай валюты (+9,32%), у 2023-м — другой (+16,12%), у 2022-м — трэцяй (+7,39%), у 2021-м — чацвёртай сярод краін на тэрыторыі былога СССР, дзе долар патаннеў (-1,19%), у 2020-м — першай паводле яго падаражэння (+22,59%).
Нацбанк пакуль не плануе пераглядаць стаўку рэфінансавання
29 студзеня, Позірк. На гэты момант ніякіх планаў па пераглядзе стаўкі рэфінансавання Нацыянальны банк не мае, заявіў першы намеснік кіраўніка рэгулятара Аляксандр Ягораў 29 студзеня пасля пашыранага пасяджэння праўлення НБ. "У нас свая, незалежная грашова-крэдытная палітыка, і стаўку рэфінансавання мы …
