Галалёд пашкодзіў тралейбусныя лініі ў розных раёнах Мінска
Кароткае замыканне тралейбуснай лініі ў раёне праспекта Дзяржынскага ў Мінску
27 студзеня, Позірк. Галалёд пашкодзіў тралейбусныя лініі ў розных раёнах Мінска ўвечары 27 студзеня.
Прадпрыемства “Мінсктранс” выпусціла паўтара дзясятка папярэджанняў аб спыненні руху на праспектах Дзяржынскага, Пушкіна, Незалежнасці, Любімава, вуліцах Каліноўскага, Гінтаўта, Філімонава, Чкалава, Багдановіча, Кальварыйскай, Казінца, Маскоўскай, Чыгуначнай і інш. Спыненне руху склала ад 10 хвілін да 1 гадзіны 39 хвілін. Чарговае паведамленне было апублікавана за паўгадзіны да паўночы.
Прычынай стаў дождж пры мінусовай тэмпературы.
Белгідрамет распаўсюдзіў штармавое папярэджанне аб галалёдзе ў многіх раёнах краіны на 26, 27 і 28 студзеня.
29 студзеня пачнецца пахаладанне. У ноч на 30 студзеня сіноптыкі прагназуюць да 23 градусаў марозу на поўначы краіны.
З 12 па 26 студзеня лекары зарэгістравалі больш за 4 тыс. пацярпелых ад галалёду і холаду.
