За першыя шэсць гадзін 2026 года ў Беларусі адбылося 6 пажараў, на адным з іх знойдзена загінулая
1 студзеня, Позірк. 6 пажараў адбылося ў Беларусі з 0:00 да 6:00 1 студзеня 2026 года, вынікае з аператыўнай зводкі Міністэрства па надзвычайных сітуацыях.
Паводле даных ведамства, гэта ў 2,5 раза менш, чым было зафіксавана за той жа часавы адрэзак першага дня 2025 года (15).
Адзначаецца, што ў 4:56 1 студзеня паступіла паведамленне пра пажар у жылым доме ў вёсцы Слонімцы (Пружанскі раён Брэсцкай вобласці). Знойдзеная загінулая — жонка гаспадара жылля (1965 год нараджэння).
У 2025 годзе, паводле даных МНС, ахвярамі пажараў у Беларусі стала 533 чалавекі (у 2024-м — 555, зніжэнне на 4%). Пры гэтым колькасць пажараў узрасла на 2,4% — з 6.208 да 6.354.
“Позiрк” неаднаразова звяртаў увагу на тое, што МНС перыядычна карэктуе статыстыку смяротнасці на пажарах у бок змяншэння.
Згодна з тлумачэннем ведамства, часам пасля правядзення судова-медыцынскай экспертызы высвятляецца, што смерць адбылася не праз пажар. Наадварот, як заявіла МНС, узгаранне часам можа ўзнікнуць пасля таго, як чалавек памёр.
