У Мінску і яшчэ на сямі метэастанцыях 9 снежня зафіксаваныя рэкорды цяпла

10 снежня, Позірк. Восем тэмпературных рэкордаў зафіксавана 9 снежня на беларускіх метэастанцыях, у тым ліку ў Мінску, сведчыць праведзены “Позіркам“ параўнальны аналіз аператыўных і архіўных звестак Белгідрамета.

У сталіцы паветра прагрэлася да 6,3 градуса цяпла. Ранейшы максімум, які пратрымаўся 9 гадоў, перавышаны на 0,1 градуса.

Цяплей за ўсё было мінулым днём у Гродне і Высокім (Камянецкі раён) — 9,4 градуса. У абласным цэнтры перакрыты лакальны экстрэмум, зарэгістраваны ў 2006 годзе (8,8). У Высокім нароўні з Брэстам утрымаўся абсалютны рэкорд дня за ўвесь перыяд інструментальных метэаназіранняў на тэрыторыі сучаснай Беларусі (12,2 градуса таксама ў 2006 годзе).

Больш падрабязная інфармацыя даступная падпісчыкам “Позірк+” (калі спасылка не працуе, карыстайцеся, калі ласка, гэтай)