Ва Узброеных сілах праходзяць аператыўныя зборы каманднага складу
4 лістапада, Позірк. Аператыўныя зборы каманднага складу Узброеных сіл праходзяць 4 лістапада, паведамляе прэс-служба Міністэрства абароны.
Мерапрыемства прысвечанае “накіраванасці падрыхтоўкі УС, парадку рашэння задач навучання службовых асоб органаў вайсковага кіравання і падрыхтоўкі войскаў (сіл) у 2025/2026 навучальным годзе”.
Зборы, як заяўлена, праводзяцца для выпрацоўкі ў армейскага каманднага складу “агульнага разумення паслядоўнасці і спосабаў навучання службовых асоб органаў вайсковага кіравання і войскаў (сіл) з улікам накіраванасці падрыхтоўкі Узброеных сіл у новым навучальным годзе”.
Да мерапрыемства прыцягнутыя “кіраўнікі органаў вайсковага кіравання, камандзіры і начальнікі штабоў злучэнняў і вайсковых часцей ды іншыя службовыя асобы”.
Зборы адкрыў міністр абароны Віктар Хрэнін.
Рэжым Аляксандра Лукашэнкі няспынна праводзіць вучэнні, трэніроўкі, зборы на фоне абвастрэння стасункаў з Захадам і поўнамаштабнай вайны Расіі супраць Украіны.
