Ціханоўская чакае спынення рэпрэсій пасля размовы Лукашэнкі з Трампам
15 жніўня, Позірк. “Мы цэнім намаганні прэзідэнта Трампа па вызваленні палітзняволеных у Беларусі і аказанні нам дапамогі ў аднаўленні міру і справядлівасці”, — напісала дэмакратычны лідэр Святлана Ціханоўская ў сацсетцы X, каментуючы тэлефонную размову амерыканскага прэзідэнта з Аляксандрам Лукашэнкам 15 жніўня.
Выратаванне жыццяў нявінных людзей палітык назвала “важнай гуманітарнай місіяй прэзідэнта”.
“Цяпер мы чакаем, што рэжым Лукашэнкі поўнасцю спыніць рэпрэсіі і вызваліць усіх нявінных людзей з турмаў, што стане найважнейшым першым крокам да міру, свабоды і прымірэння, — дадала яна. — І пакуль гэтага не адбудзецца, не павінна быць ніякіх змен у палітыцы ў дачыненні да рэжыму”.
Лукашэнка паразмаўляў па тэлефоне з Трампам, той назваў яго "глыбокапаважаным прэзідэнтам"
15 жніўня, Позірк. Адбылася тэлефонная размова паміж прэзідэнтам ЗША Дональдам Трампам і Аляксандрам Лукашэнкам, паведаміла 15 жніўня прэс-служба апошняга. "Лідары дзвюх краін абмеркавалі пытанні двухбаковага парадку дня, рэгіянальную тэматыку і сітуацыю ў гарачых пунктах, уключаючы Украіну. Дасягнута дамоўленасць прадоўжыць кантакты. …
