Беларуская турыстка патанула ў Бураціі
7 жніўня, Позірк. Двое грамадзян Беларусі — жанчына і мужчына — упалі ў ваду ў месцы зліцця рэк Кітой і Білюты ў Бураціі, паведамляюць расійскія СМІ са спасылкай на Міністэрства па надзвычайных сітуацыях гэтага рэгіёну РФ.
Жанчына загінула, мужчына пасля пошукаў знойдзены жывым, “у здавальняючым стане”.
Як адзначаецца, мінулай ноччу ў МНС паступіла інфармацыя, што “ў Тункінскім раёне група турыстаў, якая ажыццяўляла сплаў па рацэ Кітай, сустрэла падарожнікаў з Рэспублікі Беларусь у колькасці шасці чалавек, у якіх адбылося здарэнне”.
“Цела жанчыны знойдзена турыстамі, мужчыну ўнесла цячэннем”, — гаворыцца ў паведамленні.
