Яшчэ два аддзяленні амбасады Беларусі ў Расіі будуць ператвораныя ў генконсульствы
1 жніўня, Позірк. Беларусь адкрые генеральныя консульствы ў Казані, Уфе і Варонежы, вынікае з пастановы ўрада № 410 ад 30 ліпеня, якая размешчана 1 жніўня на Нацыянальным прававым інтэрнэт-партале.
Дыпламатычнае прадстаўніцтва ў Варонежы з’яўляецца новым, а генконсульствы ў Казані і Уфе прыйдуць на змену адпаведным аддзяленням амбасады Беларусі ў Расіі.
Пасля рэалізацыі гэтай пастановы ў Беларусі будзе 9 генеральных консульстваў у Расіі: ва Уладзівастоку, Варонежы, Екацярынбургу, Казані, Калінінградзе, Ніжнім Ноўгарадзе, Растове-на-Доне, Санкт-Пецярбургу і Уфе. Усе яны (акрамя Варонежа) прыйшлі на змену адпаведным аддзяленням амбасады, гэта значыць узровень дыпламатычнай прысутнасці Беларусі ў згаданых рэгіёнах павышаны.
Аддзяленні амбасады пакуль застаюцца ў Краснадары, Краснаярску і Смаленску. Паводле інфармацыі на сайце асноўнай замежнай установы Беларусі ў Расіі, прыпыненая праца ягонага аддзялення ў Новасібірску. Такая ж інфармацыя размешчаная і ў дачыненні да аддзялення ў Уфе, якое будзе пераўтворанае ў генконсульства.
21 ліпеня на сустрэчы з губернатарам Самарскай вобласці Аляксандр Лукашэнка заявіў, што Мінск пераарыентуе сваю дыпламатычную прысутнасць з заходніх краін на дзяржавы, якія “хочуць развіваць супрацоўніцтва, і гэта перш за ўсё Расійская Федэрацыя“.
“Той рэзерв дыпламатаў, які ў нас сёння створаны, мы гатовыя перанакіраваць з захаду на ўсход. Не хочуць працаваць з Беларуссю — сёння ў свеце дастаткова дзяржаў, якія з задавальненнем з намі супрацоўнічаюць“, — сказаў Лукашэнка.
Аднак 31 ліпеня на нарадзе з кіраўнікамі беларускіх дыпламатычных прадстаўніцтваў ён выказаў меркаванне, што, нягледзячы на блізкія адносіны з Расіяй, нельга забывацца і на заходнія краіны.

- Палітыка
- Палітыка
- Палітыка
- ЭканомікаПрыбытак банкаў за месяц павялічыўся на 35% — даныя рэгулятараМатэрыял даступны толькі падпісчыкам ПОЗІРК+
- Палітыка
- Эканоміка
- ЭканомікаЗапазычанасць па крэдытах арганізацый горназдабыўной прамысловасці вырасла за год у 10,5 раза (падрабязна)Матэрыял даступны толькі падпісчыкам ПОЗІРК+
- Эканоміка
- ЭканомікаПрацэнтныя стаўкі па крэдытах растуць сёмы месяц запар (падрабязна)Матэрыял даступны толькі падпісчыкам ПОЗІРК+
- Палітыка
- Палітыка, Эканоміка
- Палітыка
- Грамадства
- Эканоміка
- ЭканомікаАфіцыйны курс долара за 8 месяцаў 2025 года знізіўся на 14,3% — другі паказчык на тэрыторыі былога СССР (падрабязна)Матэрыял даступны толькі падпісчыкам ПОЗІРК+
- Палітыка
- Грамадства
- ПалітыкаЦіханоўская: Рэжым шантажуе сваякоў сябраў АПК у БеларусіМатэрыял даступны толькі падпісчыкам ПОЗІРК+
- Грамадства, Палітыка
- Палітыка