У 2024 годзе малы і сярэдні бізнес амаль на чвэрць павялічыў выручку ад продажаў

9 ліпеня, Позірк. На канец 2024 года ў Беларусі дзейнічала 128.865 арганізацыі малога і сярэдняга прадпрымальніцтва (МСП) — на 11,2% больш, чым годам раней (115.924), паведамляе Нацыянальны статыстычны камітэт.

Сярод іх 115.388 мікраарганізацый (годам раней — 102.542; +12,5%) — гэта 89,6% усіх арганізацый МСП (88,5%), 11.384 малых арганізацый (11.462; -0,7%) — 8,8% (10,1%), 2.093 сярэдніх арганізацый (2.088; +0,2%) — 1,6% (1,8%).

Выручка ад рэалізацыі прадукцыі, тавараў, работ, паслуг суб’ектаў МСП склала 309 млрд 382 млн рублёў (250 млрд 601 млн; + 23,5%). Удзельная вага суб’ектаў МСП у рэспубліканскім паказчыку за 2024 год склала 46,5% (44,5%), аб’ём інвестыцый у асноўны капітал — 18 млрд 689 млн рублёў (14 млрд 617 млн; +27,9%) — 39,5% у агульным рэспубліканскім паказчыку (39,1%), аб’ём знешняга гандлю таварамі склаў 39 млрд 889 млн долараў (39 млрд 748 млн; +0,4%) — 46,4% (47,6%).

Падрабязнасці даступныя падпісчыкам “Позірк+”