На 9 ліпеня абвешчаны аранжавы ўзровень небяспекі праз шэраг з’яў надвор’я
8 ліпеня, Позірк. На большай частцы Беларусі 9 ліпеня чакаюцца навальніцы, а з імі месцамі шквалістае ўзмацненне ветру парывамі 15–20 метраў на секунду, паведамляе Белгідрамет.
Уначы па паўднёвым захадзе, а ўдзень па паўночным захадзе краіны чакаюцца моцныя дажджы.
Максімальная тэмпература паветра ўдзень на ўсходзе Беларусі дасягне 30–32 градусы цяпла.
У сувязі з шэрагам з’яў надвор’я на 9 ліпеня абвешчаны аранжавы ўзровень небяспекі.
На гэтым фоне Міністэрства па надзвычайных сітуацыях у чарговы раз апублікавала рэкамендацыі насельніцтву пры навальніцы, моцным дажджы, моцным ветры і дажджы.
