Матэрыял даступны толькі падпісчыкам
ПОЗІРК+Анонсы падзей на 1 верасня — 10 кастрычніка 2025 года
Матэрыял даступны толькі падпісчыкам
ПОЗІРК+
У выніку аварыі ў Мінскім раёне загінула чатыры чалавекі, у тым ліку двое непаўналетніх (абноўлена)
Наступствы сутыкнення на дарозе ў Мінскім раёне
актуалізаваныя абзацы 1–4, дададзены абзац 5
28 чэрвеня, Позірк. Чатыры чалавекі, у тым ліку двое непаўналетніх, загінула раніцай 28 чэрвеня ў выніку аўтамабільнай аварыі на 20-м кіламетры магістралі М2 (Мінск — нацыянальны аэрапорт Мінск) ля вёскі Слабадшчына (Мінскі раён), паведамляе прэс-служба УУС Мінаблвыканкама.
Паводле папярэдняй інфармацыі, “Мэрсэдэс”, за стырном якога быў нецвярозы 25-гадовы кіроўца, сутыкнуўся з аўтамабілем таксі “Шкода”, што рухаўся ў тым жа кірунку.
Пасажыры “Шкоды” — дзве жанчыны і дзве дзяўчынкі, не перажылі сутыкненне. Кіроўца таксі шпіталізаваны з цяжкімі траўмамі.
Абласное дзяржСМІ “Мінская праўда” паведамляе, што загінулыя — дзве дзяўчынкі (7 і 13 гадоў), іх маці (43 гады) і бабуля (75 гадоў). Усе яны грамадзяне Расіі.
Тэст кіроўцы “Мэрсэдэса” паказаў, што ўтрыманне алкаголю ў выдыханым паветры адпавядае 1,67 праміле (цяжкая ступень ап’янення). Які яго фізічны стан, пакуль невядома.
Адзначаецца, што на месца здарэння выязджалі начальнік абласной міліцыі Андрэй Любімаў, а таксама кіраўнік галоўнага ўпраўлення Дзяржаўтаінспекцыі МУС Віктар Ротчанкаў.
