Даўгі прадпрыемстваў за год выраслі амаль на траціну — даныя Белстата

16 чэрвеня, Позірк. У студзені — красавіку 2025 года рэнтабельнасць рэалізаванай прадпрыемствамі прадукцыі склала 8% (годам раней — 7,9%; +0,1 працэнтнага пункта), рэнтабельнасць продажаў — 6,6% (не змянілася), паведамляе Нацыянальны статыстычны камітэт.

Дэбіторская запазычанасць (даўгі прадпрыемству) на 1 траўня вырасла да 93,4 млрд рублёў (годам раней — 71,6 млрд; +30,4%), у тым ліку пратэрмінаваная — 10,8 млрд (10 млрд; +8%).

Крэдыторская запазычанасць (даўгі прадпрыемства) павялічылася да 111,1 млрд рублёў (83,9 млрд; +32,4%), у тым ліку пратэрмінаваная — 12,8 млрд (10 млрд; +28%).

Сёлета 9 красавіка на нарадзе пра развіццё прамысловасці Аляксандр Лукашэнка канстатаваў, што не выкананыя яго патрабаванні па скарачэнні знешняй пратэрмінаванай дэбіторскай запазычанасці, якая за 2023 год вырасла больш як на 10%.

Падрабязнасці даступныя падпісчыкам “Позірк+”