Мельнікава, хутчэй за ўсё, не ў Беларусі, заяўляе Латушка

7 красавіка, Позірк. Згодна з апошняй інфармацыі ад польскіх праваахоўнікаў, спікер Каардынацыйнай рады (КР) Анжаліка Мельнікава “не знаходзіцца на тэрыторыі Польшчы, але, хутчэй за ўсе, яна таксама не знаходзіцца на тэрыторыі Беларусі”, паведаміў у сваім тэлеграм-канале намеснік кіраўніцы Аб’яднанага пераходнага кабінета, кіраўнік Народнага антыкрызіснага ўпраўлення (НАУ) Павел Латушка.
“Дакладнае месцазнаходжанне Анжалікі Мельнікавай не высветленае. Адначасова каманда НАУ тэхнічным спосабам высветліла, што яе тэлефон мог знаходзіцца на тэрыторыі Беларусі 19 і 25 сакавіка”, — напісаў палітык.
7 красавіка Латушка атрымаў адказ на свой ранейшы запыт, з якога вынікае, што папярэднюю вытворчасць па паведамленні пра “абгрунтаванае падазрэнне ў здзяйсненні злачынства” адносна Мельнікавай вядзе аддзел “па барацьбе з тэрарызмам і забойствамі” паліцыі Варшавы.
“Станам на сёння, на жаль, праваахоўныя органы Польшчы не прадастаўляюць дадатковых дэталяў аб ходзе расследвання”, — напісаў палітык.
Як паведамляў “Позірк”, Латушка мае намер узняць тэму знікнення Мельнікавай на вясновай сесіі Парламенцкай асамблеі Савета Еўропы, якая праходзіць у Страсбургу 7–11 красавіка.
7 красавіка партал “Люстэрка” паведаміў, што датэлефанаваўся да былога мужа Мельнікавай. Мужчына пацвердзіў журналістам, што іх дзеці — дзяўчынкі 7 і 13 гадоў — знаходзяцца з ім у Беларусі.
Пра тое, што Мельнікава не на тэрыторыі Польшчы і не выходзіць на сувязь з 25 сакавіка, “Позірку” паведаміла 28 сакавіка прэс-служба Латушкі.
Старшыня ПАСЕ Тэадорас Русопулас і генеральны дакладчык ПАСЕ па пытанні аб дэмакратычнай Беларусі Рышард Петру выказалі занепакоенасць у сувязі са знікненнем Мельнікавай і заклікалі дапамагчы ў яе пошуках.
- Грамадства
- Грамадства
- Палітыка
- Грамадства, Палітыка
- Грамадства
- Грамадства, Эканоміка
- Эканоміка
- Грамадства, Палітыка
- Грамадства, ПалітыкаАд пачатку года суседнія краіны ЕС спынілі больш за 26 тыс. спробаў парушэння мяжы з боку Беларусі (падрабязна)Матэрыял даступны толькі падпісчыкам ПОЗІРК+
- Грамадства
- Палітыка, Эканоміка
- ЭканомікаУ першай палове 2025 года сярод несезонных тавараў і паслуг хутчэй за ўсё даражэлі какава-парашок, селядзец і абед у сталовай (падрабязна)Матэрыял даступны толькі падпісчыкам ПОЗІРК+
- Палітыка
- Грамадства, Палітыка
- Палітыка
- Навіны Германіі, Палітыка
- Палітыка
- Грамадства, Палітыка
- Эканоміка
- Грамадства, Эканоміка