МАРГ выявіў няякасную бульбу ў 10% правераных крам

17 сакавіка, Позірк. У 10% з 437 правераных з 10 па 14 сакавіка харчовых крам прапаноўвалася бульба, якая “не адпавядае патрабаванням заканадаўства з механічнымі пашкоджаннямі, [з] шолудзямі, мокрай, сухі, кальцавой гнілатой, пазелянелыя на плошчы больш за 1/4 паверхні, дробнай каліброўкі і іншыя)”, паведамляе прэс-служба Міністэрства антыманапольнага рэгулявання і гандлю.

У 3% аб’ектаў “бульба адсутнічала (машына з прадукцыяй была ў дарозе, тавар быў вернуты пастаўшчыку з прычыны нізкай якасці і г.д.)”.

МАРТ адзначае, што ў адпаведнасці з патрабаваннямі адпаведнага дзяржаўнага стандарту, дыяметр клубняў бульбы павінен быць не менш за 35 і не больш за 80 мм. гнілі і фітафторай».

Суб’ектам, якія дапусцілі парушэнні, выдадзены рэкамендацыі аб іх устараненні, “няякасная прадукцыя канфіскавана з рэалізацыі”.

Раней паведамлялася, што на фоне падзення ўраджаю Беларусь плануе імпартаваць бульбу з Казахстана.

12 снежня мінулага года на той момант прэм’ер-міністр Раман Галоўчанка падпісаў пастанову, якая ўводзіць ліцэнзаванне на вываз за межы Беларусі бульбы. Рашэнне прынята “ў мэтах забеспячэння ў міжсезонны перыяд унутранага рынку сельскагаспадарчай прадукцыяй у поўным аб’ёме”.