16 верасня, Позірк. Яшчэ 22 чалавекі прызнаныя 16 верасня беларускай праваабарончай супольнасцю палітычнымі зняволенымі, паведамляе праваабарончы цэнтр “Вясна”.
Усе яны альбо абвінавачаныя, альбо ўжо асуджаныя паводле ч. 1 арт. 342 КК (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх).
Гэта Алег Галубоўскі, Сяргей Гоўша, Ігар Шымончык, Аляксандр Малькоў, Сяргей Скробат, Вячаслаў Беразавец, Таццяна Данілюк, Мікалай Кулак, Ігар Яўменаў-Куля, Андрэй Рыбакоў, Віктар Данілюк, Мікалай Місюк, Ілля Сабко, Аляксандр Зайцаў, Мікалай Каплюк, Дзяніс Якавенка, Кірыл Яўтушык, Артур Зарэмба, Алег Бандарук, Іван Косцікаў, Антон Харэвіч, Дзмітрый Бенчук.
Праваабаронцы ў чарговы раз нагадваюць, што свабода мірных сходаў гарантаваная артыкулам 21 Міжнароднага пакта аб грамадзянскіх і палітычных правах.
Яны патрабуюць вызваліць гэтых і іншых палітвязняў і спыніць рэпрэсіі.
Заяву падпісалі “Вясна”, “Прававая ініцыятыва”, Офіс па правах людзей з інваліднасцю і Lawtrend.
Зараз беларускія праваабарончыя арганізацыі прызнаюць палітвязнямі 1.359 чалавек, сведчаць звесткі на сайце “Вясны”.
