Міжнародным грузаперавозчыкам зноў далі права разлічвацца наяўнай валютай з нерэзідэнтамі

2 красавіка, Позірк. Па 31 снежня 2024 года міжнародныя грузаперавозчыкі — рэзідэнты Беларусі маюць права здымаць са сваіх рахункаў у беларускіх банках і выкарыстоўваць на тэрыторыі краіны наяўную замежную валюту (долары ЗША, еўра), вынікае з пастановы Саўміна і Нацбанка ад 1 красавіка № 231/12 “Аб правядзенні валютных аперацый”.

Дакумент апублікаваны 2 красавіка на Нацыянальным прававым інтэрнет-партале.

Выкарыстанне валюты дапускаецца для разлікаў з нерэзідэнтамі па валютных дагаворах аб міжнародных аўтамабільных перавозках грузаў. Дапускаецца зняцце сумы ў памеры не больш за тысячу базавых велічынь па адной валютнай дамове (40 тыс. рублёў). Нявыкарыстаныя сродкі трэба вярнуць на рахунак.

Разлік у валюце не дапускаецца з арганізацыямі, зарэгістраванымі ў Расіі, а таксама ажыццяўляюць перавозкі па тэрыторыі Беларусі і Расіі. Выключэнне зроблена для транспартных сродкаў, якія едуць ад мяжы Беларусі з іншымі краінамі да месцаў перачэпкі і назад.

Дакумент набыў моц пасля яго афіцыйнага апублікавання.

Аналагічная пастанова дзейнічала з 2 лістапада па 31 снежня 2023 года.