Ціханоўская ў велікодным віншаванні зычыла беларусам “напоўніцца надзеяй”
31 сакавіка, Позірк. “Напоўніцца надзеяй, не падаць духам і штодзённа захоўваць у сабе святло і дабрыню” зычыла беларусам дэмакратычны лідар Святлана Ціханоўская з нагоды Вялікадня.
Відэа віншавання апублікаванае 31 сакавіка ў тэлеграм-канале палітыка.
“Гэтая надзея ў кожнага свая, — сказала Ціханоўская. — А якая надзея ў нашага народа? “Людзьмі звацца”, — казаў класік. Засноўваць сем’і, гадаваць дзяцей, будаваць свой дом і мець годнае жыццё на сваёй зямлі сярод сваіх людзей”.
У сённяшняй Беларусі, на яе думку, “гэтыя простыя рэчы патрабуюць надзеі, патрабуюць намаганняў”, каб “выстаяць і прайсці праз гэты цёмны час”. Таму неабходна “змагацца за нашы сем’і, за нашых блізкіх, за наш народ”.
“Мы выстаім, захаваемся, пройдзем праз гэтую цёмную даліну”, — гаворыцца ў віншаванні.
31 сакавіка Уваскрасенне Хрыстова (Вялікдзень) святкуюць католікі, грэка-католікі і пратэстанты.
Каталіцызм — другая па колькасці паслядоўнікаў хрысціянская канфесія ў Беларусі. У краіне каля 1,5 млн католікоў, у тым ліку больш за 10 тыс. грэка-католікоў.
Рымска-каталіцкі касцёл у Беларусі прадстаўлены трыма дыяцэзіямі — Гродзенскай, Віцебскай і Пінскай, а таксама Мінска-Магілёўскай архідыяцэзіяй (на пачатак 2023 года налічваў 500 прыходаў, 526 дзеючых і 28 будуемых храмаў).
Беларуская грэка-каталіцкая царква складаецца з 16 супольнасцяў, якія маюць 5 культавых будынкаў.
У краіне налічваецца некалькі сотняў тысяч пратэстантаў. На пачатак 2023 года існавала 1.040 абшчын трынаццаці дэнамінацый, прадстаўленых 21 аб’яднаннем.
Каталіцызм фарміруе ў беларускім грамадстве атмасферу ўзаемапавагі, заяўляе Лукашэнка
31 сакавіка, Позірк. "Каталіцкая канфесія адыгрывае значную ролю ў стварэнні непаўторнай беларускай культуры, фарміраванні ў грамадстве атмасферы добразычлівасці, узаемапавагі, чулага стаўлення адзін да аднаго", — гаворыцца ў апублікаваным прэс-службай віншаванні Аляксандра Лукашэнкі мітрапаліту Мінска-Магілёўскаму Іосіфу Станеўскаму з нагоды Вялікадня. Ён …
