Перад выступам Ціханоўскай на камітэце ПА АБСЕ дэлегацыя ПП НС пакінула залу — Вячорка

22 лютага, Позірк. Перад выступам Святланы Ціханоўскай на камітэце Парламенцкай асамблеі АБСЕ па пытаннях дэмакратыі, правах чалавека і гуманітарных пытаннях 22 лютага ў Вене дэлегацыя Палаты прадстаўнікоў Нацыянальнага сходу Беларусі пакінула залу, паведаміў “Позірку” галоўны дарадца дэмакратычнага лідара Франак Вячорка.

“[Дэпутат Андрэй] Савіных і [амбасадар у Аўстрыі, пастаянны прадстаўнік Беларусі пры АБСЕ Андрэй] Дапкюнас выйшлі, як толькі абвясцілі выступ Ціханоўскай”, — паведаміў дарадца.

З ягоных слоў, супрацоўнікам СМІ Савіных растлумачыў свой дэмарш тым, што “была запрошаная асоба, якая знаходзіцца пад следствам”.

Пасля пераходу ў фае Савіных і Дапкюнас сфатаграфаваліся з амбасадарам РФ у Аўстрыі Дзмітрыем Любінскім і пастаянным прадстаўніком РФ пры АБСЕ Аляксандрам Лукашэвічам, адзначыў Вячорка.

Падчас выступу Ціханоўская заклікала ПА АБСЕ не прызнаваць прызначаныя на 25 лютага Выбары ў ПП НС.

Гл. падрабязней:

Ціханоўская прапанавала ПА АБСЕ прызначыць спецдакладчыка альбо аднавіць дзейнасць рабочай групы па Беларусі