ВУП у 2023 годзе вырас на 3,9% (дапоўнена)

17 студзеня, Позірк. Аб’ём валавога ўнутранага прадукта ў 2023 годзе ў бягучых цэнах склаў 216,1 млрд рублёў.

У супастаўных цэнах у параўнанні з 2022 годам ён павялічыўся на 3,9%, паведамляе Нацыянальны статыстычны камітэт.

Згодна з важнейшымі параметрамі прагнозу сацыяльна-эканамічнага развіцця Беларусі на 2023 год, прырост ВУП быў запланаваны на ўзроўні 3,8%.

У студзені 2023-га да студзеня 2022-га ВУП знізіўся — на 5%, у студзені — лютым — на 3,6%, у студзені — сакавіку — на 2,1%, у студзені — красавіку — на 0,6%, у студзені — траўні — вырас на 0,9%, у першым паўгоддзі — на 2%, у студзені — ліпені — на 2,9%, у студзені — жніўні — на 3,1%, у студзені — верасні — на 3,5%, у студзені — кастрычніку — на 3,8%, у студзені — лістападзе — на 3,8%.

У 2022 годзе ВУП знізіўся на 4,7%, у 2021-м — эканоміка вырасла на 2,3%, у 2020-м — скарацілася на 0,9%,

Еўрапейскі банк рэканструкцыі і развіцця чакаў зніжэння ВУП у Беларусі ў 2023-м на 1%. Міжнароднае рэйтынгавае агенцтва Fitch Ratings — на 1,3%. Сусветны банк у восеньскім аглядзе выказаў меркаванне, што беларуская эканоміка па выніках года вырасце на 3%.

2 кастрычніка мінулага года Аляксандр Лукашэнка зацвердзіў найважнейшыя прагнозныя (дэ-факта планавыя) параметры развіцця краіны на 2024 год. У прыватнасці, прырост ВУП павінен скласці 3,8%.