МЗС: Увядзенне новых санкцый — канцэнтраваны выраз крывадушнасці адміністрацыі ЗША

27 сакавіка, BPN. Пашырэнне санкцый ЗША “не стала нечаканасцю”, паколькі гэтая дзяржава “па інерцыі пазіцыянуе сябе вершыцелем сусветных лёсаў, працягвае верыць ва ўласную выключнасць, бязгрэшнасць і беспакаранасць”, заявіў прэс-сакрэтаць МЗС Анатоль Глаз.

“Увядзенне санкцый супраць паспяховых грамадзянскіх прадпрыемстваў Беларусі — канцэнтраваны выраз крывадушнасці адміністрацыі ЗША, прадстаўнікі якой пры кожным зручным выпадку любяць заяўляць аб “падтрымцы” беларускага народа, — сказаў Глаз. — Не думаю, што тысячы простых працаўнікоў нашых заводаў-флагманаў марылі аб такой замежнай дапамозе і падтрымцы ў выглядзе абсалютна незаконных і беспадстаўных санкцый”.

У МЗС упэўнены, што “калектывы “МАЗа” і “БелАЗа”, якія ўжо маюць значны вопыт работы ва ўмовах санкцыйнага націску, паспяхова справяцца з любымі новымі выклікамі”.

“Як паказвае рэальнае жыццё, любыя спробы эканамічна ізаляваць і задушыць нашу краіну першапачаткова асуджаныя на правал”, — мяркуюць у ведамстве.

Вачэй заявіў, што “ніякія санкцыі, абмежаванні і пагрозы не прымусяць нас сысці з вызначанага курсу і дзейнічаць насуперак нашым нацыянальным інтарэсам”.

24 сакавіка аб новых санкцыях аб’явілі Міністэрства фінансаў Злучаных Штатаў Амерыкі і дзяржаўны сакратар ЗША Энтані Блінкен.

Амерыканскае казначэйства паведаміла аб увядзенні абмежавальных мер у дачыненні да Беларускага аўтамабільнага завода (БелАЗ) і яго генеральнага дырэктара Сяргея Нікіфаравіча, а таксама Мінскага аўтазавода (МАЗ) і яго кіраўніка Валерыя Іванкавіча. У спіс рэстрыкцыяў унесены самалёт “Боінг-737”, які выкарыстоўваецца Лукашэнка.

Акрамя таго, пад санкцыі трапілі старшыня Цэнтрвыбаркама Ігар Карпенка, сакратар ЦВК Алена Балдоўская і члены камісіі Дзяніс Дук (рэктар Магілёўскага дзяржуніверсітэта імя Куляшова), Алена Кунцэвіч (першы намеснік начальніка галоўнага ўпраўлення арганізацыйна-кадравай работы Мінаблвыканкама), па бяспецы, рэжыму і кадрах), Кацярына Федасенка (начальнік аддзела па рабоце са зваротамі грамадзян і юрыдычных асоб Гродзенскага аблвыканкама) і Аляксандр Южык (першы намеснік начальніка галоўнага ўпраўлення юстыцыі Гродзенскага аблвыканкама).

Блінкен аб’явіў аб увядзенні візавых санкцый яшчэ супраць 14 прадстаўнікоў беларускага рэжыму. Іх імёны не называюцца.