24 траўня, Позірк. Пра ўтапленне ў Шумілінскім раёне (Віцебская вобласць) мужчыны 1956 года нараджэння паведамляецца ў сутачнай зводцы Міністэрства па надзвычайных сітуацыях.
Адзначаецца, што 23 траўня ў 18:30 у МНС паступіла паведамленне аб “выяўленні патанулага мужчыны ў штучным вадаёме на тэрыторыі прыватнага домаўладання ў вёсцы Дворышча”.
Пенсіянер выняты з вады супрацоўнікамі МНС, гаворыцца ў зводцы.
Згодна з інфармацыяй Рэспубліканскага таварыства ратавання на водах (ТРВОД), у 2025 годзе зарэгістраваныя 492 здарэнні на вадаёмах, у тым ліку 54 — з непаўналетнімі (у 2024-м — 586 і 75 адпаведна; -16% і -28%).
Ад утаплення загінула 278 чалавек (368; -24,5%), у тым ліку 12 непаўналетніх (22; -45,5%).
