У Ляхавічах затрыманы іншаземец, які перавозіў без дакументаў 1,7 тоны ялавічыны

13 красавіка, Позірк. Аб затрыманні замежнага грамадзяніна ў Ляхавічах (Брэсцкая вобласць) паведамляе Дэпартамент аховы Міністэрства ўнутраных спраў.

У замежніка выяўлена “буйная партыя ялавічыны без дакументаў”.

Удакладняецца, што “інцыдэнт адбыўся ў прамзоне, дзе ўвагу супрацоўнікаў прыцягнуў аўтамабіль з замежнымі нумарамі”.

“Пры праверцы дакументаў кіроўца не змог патлумачыць адкуль у яго транспарце ялавічныя тушы”, — гаворыцца ў паведамленні.

Агульная вага мясной прадукцыі без суправаджальных дакументаў перавысіла 1.700 кг.

“За парушэнне патрабаванняў у галіне ветэрынарнай дзейнасці ў дачыненні да фігуранта складзены адміністрацыйны пратакол”, — паведамілі ў Дэпартаменце.

Грамадзянства парушальніка не называецца.