МНС паведаміла пра выратаванне мужчыны ў Пінску — ён “звісаў з балкона” на дзявятым паверсе
12 красавіка, Позірк. Пра выратаванне мужчыны ў Пінску (Брэсцкая вобласць) паведаміла 12 красавіка Міністэрства па надзвычайных сітуацыях.
“Выратавальная аперацыя разгарнулася ўчора ўвечары на вуліцы Чырвонаармейскай”, — адзначае ведамства.
Відавочцы паведамілі ў МНС, што “з акна балкона шматпавярховага дома звісае мужчына і яму патрабуецца дапамога”.
Паведамляецца, што да месца выкліку “неадкладна выехалі падраздзяленні МНС”. “Па прыбыцці высветлілася, што мужчына ўтрымліваецца за падваконне і адліў на ўзроўні дзевятага паверха”, — удакладняе ведамства.
Адзначаецца, што пры дапамозе аўталесвіцы мужчыну “спусцілі ўніз і перадалі медыкам”.
