Труп мужчыны са слядамі збіцця знойдзены ў Гомельскім раёне
10 красавіка, Позірк. Труп мужчыны з цялеснымі пашкоджаннямі знойдзены ў адным з домаўладанняў у пасёлку Жытоўля Гомельскага раёна, паведамляе Дзяржаўны камітэт судовых экспертыз (ГКСЭ).
Паводле папярэдняй інфармацыі, вечарам 8 красавіка мужчына быў збіты.
На месцы здарэння працавалі следчыя і эксперты. Праводзіўся агляд месца здарэння, фіксавалася “следавая карціна з мэтай устанаўлення ўсіх абставінаў таго, што адбылося”.
У 2025 годзе за “злачынствы супраць жыцця і здароўя” асуджана 1.713 чалавек (у 2024-м — 1.974). З іх паводле арт. 139 КК аб забойстве — 138 (174), паводле арт. 147 аб наўмысным прычыненні цяжкага цялеснага пашкоджання — 479 (519), паводле арт. 149 аб менш цяжкім пашкоджанні — 293 (344), паводле арт. 153 аб лёгкім пашкоджанні — 276 (328).
