5 красавіка, Позірк. Аб ліквідацыі буйнога пажару ў Іўеўскім раёне (Гродзенская вобласць) паведаміла 5 красавіка Міністэрства па надзвычайных сітуацыях.
Адзначаецца, што загарэлася “некалькіх дамоў і гаспадарчых будынкаў у вёсцы Шыльвы”.
“Паводле аператыўнай інфармацыі, агнём знішчаныя пяць нежылых дамоў і шэсць гаспадарчых пабудоў”, — гаворыцца ў паведамленні.
На месцы пажару працавала восем адзінак тэхнікі МНС.
Пацярпелых няма. Прычына пажару высвятляецца.
28 сакавіка паведамлялася аб буйным пажары ў Пружанскім раёне (Брэсцкая вобласць). У вёсцы Баяры агонь знішчыў 6 нежылых дамоў і 12 гаспадарчых будынкаў. Людзі не пацярпелі.
