6-гадовае дзіця загінула ў Барысаўскім раёне — цела знойдзенае ў Бярэзіне

30 сакавіка, Позірк. 6-гадовае дзіця загінула ўвечары 29 сакавіка ў Барысаўскім раёне (Мінская вобласць), паведамляе прэс-служба Следчага камітэта.

Паводле інфармацыі ведамства, хлопчык разам з бацькамі гасцяваў у сваякоў у вёсцы Навасёлкі. Каля 17:40 ён застаўся ў двары без нагляду.

“Праз некаторы час дарослыя заўважылі яго знікненне і пачалі пошукі. Праз паўгадзіны дзядуля знайшоў дзіця ў рацэ Бярэзіна, за кіламетр ад дома. Медыкі канстатавалі смерць непаўналетняга”, — гаворыцца ў паведамленні.

Следчы разам са спецыялістамі абласнога ўпраўлення Дзяржкамітэта судовых экспертыз агледзеў месца здарэння. Апытаныя відавочцы. Прызначаная судова-медыцынская экспертыза — для “высвятлення дакладнай прычыны смерці”.