Латвія і Літва зафіксавалі рэкордную для 2026 года сутачную актыўнасць мігрантаў на мяжы з Беларуссю

17 сакавіка, Позірк. Рэкордную для 2026 года сутачную актыўнасць мігрантаў, якія імкнуцца незаконна трапіць у Еўрасаюз з беларускай тэрыторыі, 16 сакавіка зафіксавалі Латвія і Літва, сведчыць праведзены “Позіркам“ аналіз даных памежных службаў гэтых балтыйскіх дзяржаў.

Латвія спыніла 45 такіх спробаў. Папярэдні рэкорд сёлета ўсталяваны напярэдадні, калі латвійскія памежнікі прадухілілі 15 выпадкаў парушэння мяжы.

Літва за мінулыя суткі прадухіліла 15 такіх спробаў — упершыню пасля 17 спакойных дзён. Для гэтай краіны рэкордным паводле колькасці эпізодаў парушэння мяжы сёлета было 6 студзеня — 10 спробаў.

Вышэй сутачная актыўнасць мігрантаў на межах суседніх краін Балтыі была амаль тры месяцы таму — 18 снежня 2025 года, калі Латвія прадухіліла 69 такіх спробаў, а Літва — 17.

Падрабязнасці даступныя падпісчыкам “Позірк+”