У Дзяржынску ў канаве патануў мужчына

10 сакавіка, Позірк. Пра гібель у Дзяржынску (Мінская вобласць) мужчыны 1966 года нараджэння паведаміла Рэспубліканскае таварыства выратавання на водах (ТРВОД).

Цела загінулага было вынята 9 сакавіка з канавы паблізу возера Макаўчыцкае.

Мужчына быў знойдзены ў выніку пошукавых работ, якія праводзіліся супрацоўнікамі мясцовага РАУС.

Падрабязнасці не паведамляюцца.

Паводле інфармацыі ТРВОД, у 2025 годзе зарэгістравана 492 здарэнні на вадаёмах, у тым ліку 54 — з непаўналетнімі (у 2024-м — 586 і 75 адпаведна; -16% і -28%).

Ад утаплення загінула 278 чалавек (368; -24,5%), у тым ліку 12 непаўналетніх (22; -45,5%).