Еўра і юань падаражэлі на біржавых таргах 17 лютага
17 лютага, Позірк. Агульная еўрапейская, а таксама кітайская валюты падаражэлі на таргах Беларускай валютна-фондавай біржы 17 лютага 2026 года.
Курс еўра вырас да 3,384 (+0,16%; +0,0055), юаня — да 4,1331 за 10 (+0,01%; +0,0005).
Расійскі рубель патаннеў да 3,7237 за 100 (-0,02%; -0,0006).
Каціроўка долара не змянілася. 16 лютага амерыканская валюта патаннела да 2,8544 рубля (-0,26%; -0,0074).
На мінулым рабочым тыдні (9–13 лютага) каціроўка долара знізілася на 0,24% (з 2,8683 да 2,8618), еўра — на 0,03% (з 3,3902 да 3,3891), расійскага рубля — на 0,32% (з 3,7319 да 3,7199 за 100); юаня — падаражэла на 0,09% (з 4,1407 да 4,1444 за 10).
На 1,83% (з 2,9027 да 2,8496 рублі) знізіўся афіцыйны курс долара ЗША ў Беларусі ў студзені гэтага года. Гэта другі паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2025 года і 31 студзеня 2026-га.
Афіцыйны курс долара ЗША ў Беларусі ў 2025 годзе знізіўся на 16,43% (з 3,4735 да 2,9027 рублі). Гэтае таксама другое месца на тэрыторыі былога СССР.
У 2024 годзе Беларусь была чацвёртай паводле росту афіцыйнага курсу амерыканскай валюты (+9,32%), у 2023-м — другой (+16,12%), у 2022-м — трэцяй (+7,39%), у 2021-м — чацвёртай сярод краін на тэрыторыі былога СССР, дзе долар патаннеў (-1,19%), у 2020-м — першай паводле яго падаражэння (+22,59%).
