У ДТЗ пад Буда-Кашалёвам загінуў 43-гадовы пешаход

16 лютага, Позірк. Аб смяротным дарожна-транспартным здарэнні ў Буда-Кашалёўскім раёне паведамляе Дзяржаўтаінспекцыя Гомельскай вобласці.

Аварыя здарылася 16 лютага каля 19:30. “48-гадовы кіроўца аўтамабіля “Таёта”, рухаючыся на 270-м кіламетры аўтадарогі М-5 Мінск — Гомель <…>, здзейсніў наезд на 43-гадовага пешахода, які, паводле папярэдняй інфармацыі, пераходзіў праезную частку ў неўстаноўленым месцы і не быў пазначаны святлоадбівальным элементам”, — адзначае ДАІ.

Ад атрыманых цялесных пашкоджанняў пешаход памёр на месцы здарэння.

“Цяпер на месцы ДТЗ працуюць супрацоўнікі ДАІ і следча-аператыўная група. Высвятляюцца ўсе абставіны і прычыны таго, што адбылося”, — гаворыцца ў паведамленні.

Грамадства

Грамадства

У Рэчыцкім раёне ў ДТЗ загінуў падлетак

11 лютага, Позірк. Аб гібелі ў дарожна-транспартным здарэнні 14-гадовага падлетка паведаміла прэс-служба Міністэрства ўнутраных спраў. Трагедыя здарылася 11 лютага ў 16:30 у Васілевічах Рэчыцкага раёна (Гомельская вобласць). 36-гадовы кіроўца "Фольксвагена" наехаў на пешахода, які, паводле папярэдняй інфармацыі, "пачаў перасякаць праезную …

Чытаць