У адным з дамоў у Барысаве адбылася “ўспышка газапаветранай сумесі”, пацярпеў мужчына

6 лютага, Позірк. У доме на вул. Грэчкі ў Барысаве (Мінская вобласць), згодна з папярэдняй інфармацыяй, адбылася “ўспышка газапаветранай сумесі без наступнага гарэння”, паведаміла ўвечары 6 лютага Міністэрства па надзвычайных сітуацыях.

Паводле інфармацыі ведамства, “успышка” была на першым паверсе шматкватэрнага дома. Пацярпеў мужчына, ён шпіталізаваны.

“Эвакуацыя жыхароў не праводзілася. Да месца здарэння выязджала 5 адзінак тэхнікі МНС. Абставіны здарэння высвятляюцца”, — гаворыцца ў паведамленні.