Мытня Польшчы знайшла кантрабандныя цыгарэты ў лакаматывах цягнікоў, што прыбылі з Беларусі

6 лютага, Позірк. Увоз кантрабандных беларускіх цыгарэт спынілі памежнікі і мытнікі, паведаміла 6 лютага Люблінская мытна-падатковая служба (Польшча).

Нелегальны груз быў знойдзены ў лакаматывах — падчас планавага надгляду двух грузавых цягнікоў на ўчастку Брэст — Кабыляны.

Сцвярджаецца, што экіпаж цягніка схаваў незаконны тавар у схованках — у скрыні прылады кантролю пільнасці машыніста, пад верхнім вечкам клапанаў, а таксама ў муляжы электрычнай шафы.

Агулам было вынята 849 пачкаў цыгарэт без польскіх акцызных марак. Вінаватым асобам выпісаныя штрафы — ад 9.000 да 10.000 злотых (каля 2.500–2.800 тыс. долараў).

Тытунёвую прадукцыю плануецца знішчыць.