У пачатковых класах адной са школ Віцебскага раёна пракуратура зафіксавала тэмпературу 15 градусаў

6 лютага, Позірк. У Віцебскім раёне ў двух кабінетах пачатковых класаў адной са школ “была зафіксавана тэмпература паветра на ўзроўні +15°З, што ніжэй нарматываў, устаноўленых заканадаўствам”, паведамляе мясцовая пракуратура.

Факты выяўленыя падчас рэйдавых мерапрыемстваў па праверцы выканання санітарна-эпідэміялагічных нормаў.

Парушэнне пракуроры называюць “істотным, якое закранае камфортныя і бяспечныя ўмовы навучання малодшых школьнікаў”.

“Устаноўлена, што асноўнай прычынай паніжанай тэмпературы стала парушэнне герметычнасці стыкаў аконных праёмаў. Названыя дэфекты прыводзілі да пастаяннага пранікненню халоднага паветра ў памяшканні, што не дазваляла падтрымліваць нарматыўны тэмпературны рэжым нават пры поўнай нагрузцы сістэмы ацяплення”, — гаворыцца ў паведамленні.

Пасля вынясення прадпісання, патрабаванні “выкананыя ў поўным аб’ёме”.

Згодна з дадаткам № 6 Cпецыфічных санітарна-эпідэміялагічных патрабаванняў да зместу і эксплуатацыі ўстаноў адукацыі, тэмпература паветра ў навучальных памяшканнях устаноў (у халодны перыяд года) для дзяцей ва ўзросце ад 7 гадоў устаноўленая +18°C — 20 °C.