Долар, еўра і юань патаннелі на біржавых таргах 5 лютага
5 лютага, Позірк. Амерыканская, агульная еўрапейская, а таксама кітайская валюты патаннелі на таргах Беларускай валютна-фондавай біржы 5 лютага 2026 года.
Курс долара знізіўся да 2,8616 рубля (-0,59%; -0,0171), юаня — да 4,1145 за 10 (-0,66%; -0,0273), еўра — да 3,3733 рубля (-0,74%; -0,025).
Расійскі рубель падаражэў да 3,7424 за 100 (+0,21%; +0,0078).
На мінулым працоўным тыдні (26–30 студзеня) каціроўка долара знізілася на 0,38% (з 2,844 да 2,8331), юаня — на 0,04% (з 4,0764 да 4,0749 за 10), еўра (да справаздачнага тыдня апошнім разам таргаваўся 15 студзеня) — на 0,23% (з 3,391 да 3,3831); расійскага рубля — вырасла на 0,32% (з 3,7411 да 3,7529 за 100).
На 1,83% (з 2,9027 да 2,8496 рублі) знізіўся афіцыйны курс долара ЗША ў Беларусі ў студзені гэтага года. Гэта другі паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2025 года і 31 студзеня 2026-га.
На першым месцы Расія, дзе даляр патаннеў на 3,19% (з 78,2267 да 75,7327 рубля).
Праведзены “Позіркам” параўнальны аналіз каціровак цэнтрабанкаў на 31 снежня 2024 года і 31 снежня 2025-га паказаў, што афіцыйны курс долара ЗША ў Беларусі ў 2025 годзе знізіўся на 16,43% (з 3,4735 да 2,9027 рубля). Гэта другое месца на тэрыторыі былога СССР.
У 2024 годзе Беларусь была чацвёртай паводле росту афіцыйнага курсу амерыканскай валюты (+9,32%), у 2023-м — другой (+16,12%), у 2022-м — трэцяй (+7,39%), у 2021-м — чацвёртай сярод краін на тэрыторыі былога СССР, дзе долар патаннеў (-1,19%), у 2020-м — першай паводле яго падаражэння (+22,59%).
