4 лютага, Позірк. 56-гадовы нямецкі бізнесмен, дэпутат федэральнай зямлі Саксонія ад ультраправай партыі “Альтэрнатыва для Германіі” (“АдГ”) Ёрг Дорнау, паводле інфармацыі Bild, быў затрыманы паліцыяй у будынку зямельнага парламента.
Паведамляецца, што следчыя адвялі палітыка ў асобны пакой для допыту. Адначасова былі праведзеныя ператрусы ў яго доме, офісных памяшканнях і аўтамабілях у горадзе Рота пад Лейпцыгам.
Bild паведамляе, што, паводле заявы пракуратуры Лейпцыга, справа тычыцца парушэнняў закона аб знешнім гандлі і плацяжах (AWG). Дорнау абвінавачваецца ў тым, што ў жніўні 2022 года ўказаў Казахстан як краіну прызначэння для тэлескапічнага пагрузчыка, каб схаваць парушэнне забароны на экспарт у Беларусь.
“У выніку транспартны сродак насамрэч быў экспартаваны ў Беларусь. Абыходныя аперацыі, такія як так званы абыходны экспарт, забароненыя і караюццп ў адпаведнасці з AWG ў спалучэнні з еўрапейскімі нормамі”, — цытуе Bild заяву пракуратуры.
Адзначаецца, што раней Камітэт па імунітэтах зямельнага парламента рэкамендаваў зняць імунітэт з Дорнау на спецыяльнай сесіі, затым гэтае рашэнне падтрымаў і сам парламент.
Выданне таксама паказвае, што ператрус і допыт члена парламента падчас пленарнага пасяджэння лічацца беспрэцэдэнтнымі ў гісторыі парламента зямлі Саксонія.
Bild нагадвае, што бізнесмен вядомы сваёй прадпрымальніцкай дзейнасцю ў Беларусі, а ягоны “ўдзел у справах дыктатара Аляксандра Лукашэнкі“ ў мінулым здзяйсняў на яго значны ціск. Найбольш сур’ёзнымі з’яўляюцца абвінавачванні ў выкарыстанні працы палітычных зняволеных рэжыму Лукашэнкі на луковой ферме Дорнау.
20 снежня 2024 года пракуратура Лейпцыга паведаміла, што не будзе пачынаць расследаванне ў дачыненні да Дорнау, які падазраваўся ў выкарыстанні працы беларускіх палітвязняў (сярод іх быў дэмакратычны актывіст з Ліды Сяргей Чарняк, які неаднаразова асуджаўся па адміністрацыйных артыкулах).
Тлумачылася, што з юрыдычных прычын не ўдалося ўстанавіць першапачатковае падазрэнне ў дачыненні да злачынстваў, якія маглі б пераследвацца паводле закона ў Германіі.
Дорнау таксама падазраецца ў пастаўках тэхнікі ў Беларусь у парушэнне санкцый Еўрасаюза стала вядома 5 снежня 2024 года.
Тады нямецкае выданне Die Welt адзначала, што гаворка ішла аб увозе ў жніўні 2022 года з Польшчы ў Казахстан, а адтуль у Беларусь машын і камплектуючых, у прыватнасці тэлескапічнага пагрузчыка з пагрузачна-разгрузачным абсталяваннем, вілачныя перавозчыкам, паддонам і лапатай для камянёў, якія падпадаюць пад санкцыі ЕС. Прыводзіліся копіі адпаведных дакументаў, а таксама тлумачэнні Федэральнага ўпраўлення эканомікі і экспартнага кантролю, згодна з якімі гаворка сапраўды ідзе пра тавары, якія падпадаюць пад забарону на экспарт у Беларусь з 2 сакавіка 2022 года.
Згаданае абсталяванне ў выніку было дастаўлена ў беларускую кампанію Дорнау ТАА “Цыбулька-Бел” у аграгарадку Гуды (Гродзенская вобласць).
Гэтая кампанія была зарэгістраваная ў Адзіным дзяржаўным рэгістры 2 кастрычніка 2020 года. Асноўным відам дзейнасці запісана “Вырошчванне іншых гародніны, бахчавых, карняплодных, клубнеплодных культур”.
Гл. таксама па тэме:
