АПК абверг словы Лукашэнкі аб “ліквідацыі бэчэбэшніка”

22 снежня, Позірк. Мужчына, аб ліквідацыі якога 18 снежня заявіў Аляксандр Лукашэнка, жывы, паведаміла 22 снежня прадстаўніца ў сацыяльнай палітыцы Аб’яднанага пераходнага кабінета (АПК) Вольга Зазулінская.

“З вартых даверу крыніц мы ведаем, што інцыдэнт меў месца ў Жодзіне (Мінская вобласць). І самае галоўнае, мужчына жывы. Ён утрымліваецца сілавікамі рэжыму. Затрыманне было жорсткім, але ён дакладна жывы”, — цытуе Зазулінскую прэс-служба АПК.

Заяву аб ліквідацыі “бэчэбэшніка” Лукашэнка зрабіў, выступаючы на Усебеларускім народнай сходзе. Паводле яго слоў, улады спецыяльна агучылі інфармацыю пра “трохдзённай даўнасці затрыманне мярзотніка”.

Лукашэнка заявіў, што пры затрыманні “бэчэбэшнік” “параніў траіх нашых хлопцаў”: “Усе жывыя. Адзін цяжка паранены, двое лягчэй”.

Падрабязнасцяў ён не прывёў.

VII Усебеларускі народны сход прайшоў у Мінску 18–19 снежня.