Белстат: Спажывецкія цэны ў кастрычніку выраслі на 0,3%, за год — на 6,9%

10 лістапада, Позірк. Спажывецкія цэны ў кастрычніку 2025 года выраслі на 0,3%, паведамляе Нацыянальны статыстычны камітэт.

У параўнанні са снежнем 2024 года цэны выраслі на 6,1%, у гадавым вымярэнні (да кастрычніка 2024 года) — на 6,9%.

Міністэрства антыманапольнага рэгулявання і гандлю пастановай № 4 ад 27 студзеня вызначыла паказчыкі штомесячнага (з нарастаннем) дапушчальнага павелічэння цэн: у студзені цэны не павінны былі вырасці больш чым на 0,7% (фактычна — +0,7%), паводле вынікаў студзеня — лютага — на 1,9% (+2%), студзеня — сакавіка — на 2,2% (+2,8%), студзеня — красавіка — на 2,7% (+3,8%), студзеня — траўня — на 3% (+4,5%), студзеня — чэрвеня — 3,3% (+5,4%), студзеня — ліпеня — 3,4% (+5,6%), студзеня — жніўня — 3,4% (+5,3%), студзеня — верасня — 3,7% (+5,8%), студзеня — кастрычніка — 4,1% (+6,1%).

Далей: студзень — лістапад — 4,4%, студзень — снежань — 5% (гэтая адзнака з’яўляецца зацверджанай Аляксандрам Лукашэнкам на 2025 год).