Жыхар Капыля душыў 13-гадовую падчарку — распачатая крымінальная справа
6 лістапада, Позірк. У дачыненні да 34-гадовага жыхара Капыля (Мінская вобласць) узбуджаная крымінальная справа паводле арт. 186 КК (пагроза забойствам, нанясеннем цяжкіх цялесных пашкоджанняў або знішчэннем маёмасці) за дзеянні супраць непаўналетняй падчаркі, паведамляе прэс-служба Генпракуратуры са спасылкай на абласную пракуратуру.
Адзначаецца, што намеснік пракурора Мінскай вобласці прыняў адпаведнае рашэнне пасля вывучэння матэрыялаў даследчай праверкі.
Паводле інфармацыі нагляднага органа, 22 траўня 2025 года мужчына “дома распіваў спіртныя напоі з сябрамі, пры гэтым кампанія паводзілася дастаткова шумна”.
“13-гадовая падчарка падазраванага, якая вярнулася з школы, папрасіла мужчын паводзіцца цішэй, бо яны перашкаджалі ёй рабіць урокі, — гаворыцца ў паведамленні. — Гэта абурыла гаспадара кватэры і ў ходзе славеснага канфлікту, які суправаджаўся пагрозамі забойства і нанясеннем цялесных пашкоджанняў, ён схапіў дзяўчынку за шыю і душыў яе каля 30 секунд”.
“У канфлікт умяшалася маці дзяўчынкі, якая і выклікала міліцыю. Яна ж напісала заяву аб прыцягненні мужа да крымінальнай адказнасці за пагрозу забойствам”, — паведаміла пракуратура.
Паводле інфармацыі ведамства, раней мужчына “неаднаразова прыцягваўся да адміністрацыйнай адказнасці за нанясенне пабояў, наўмыснае прычыненне болю, фізічных або псіхічных пакут, здзейсненых у дачыненне да жонкі і падчаркі”. Праз гэта яшчэ ў кастрычніку 2022 года ўмовы пражывання дзяўчынкі былі расцэненыя як нядобрыя.
Пасля травеньскага інцыдэнту камісія па справах непаўналетніх Капыльскага райвыканкама прызнала дзяўчынку асобай, што мае патрэбу ў дзяржаўнай абароне, пасля чаго яе вынялі з сям’і і змясцілі на дзяржзабеспячэнне.
14-гадовую жыхарку Шчучынскага раёна забралі з сям'і праз жорсткае абыходжанне з боку маці і айчыма
4 лістапада, Позірк. 14-гадовая жыхарка Шчучынскага раёна (Гродзенская вобласць) прызнаная асобай, якая мае патрэбу ў дзяржаўнай абароне, і адабраная ў маці на падставе рашэння камісіі па справах непаўналетніх, пасяджэнне якой ініцыявала мясцовая пракуратура. Генеральная пракуратура са спасылкай на пракуратуру Гродзенскай …
