Затрыманая 19-гадовая іншаземка, якая выманіла 20 тыс. рублёў у школьнікаў

10 кастрычніка, Позірк. Затрыманая 19-гадовая грамадзянка замежнай дзяржавы, якая ўдзельнічала ў махлярскай схеме, у тым ліку з выкарыстаннем дзяцей, паведамляе Міністэрства ўнутраных спраў.

Адзначаецца, што ў Мінску дзяўчына сустрэлася з двума 13-гадовымі школьнікамі і прыняла ад іх каля 20 тыс. рублёў у рознай валюце.

“Падлеткі былі ашуканыя і напалоханыя зламыснікамі. Яны думалі, што перадаюць сямейныя зберажэнні ў падатковыя органы, каб іх бацькоў не прыцягнулі да крымінальнай адказнасці”, — гаворыцца ў рэлізе.

Іншаземка з’яўляецца студэнткай юрыдычнага факультэта (ВНУ не названая), яна была затрыманая, калі “збіралася вярнуцца на радзіму і перадаць крымінальны “ўлоў“ наймальнікам”, адзначае ведамства.

Падкрэсліваецца, што “ўсе грошы канфіскаваныя і будуць вернутыя ўладальнікам”.

Гл. таксама:

За першую палову 2025 года злачыннасць знізілася амаль на 17% — СК

Махляры пераводзяць выкрадзеныя ў беларусаў грошы ў асноўным у расійскія банкі — СК