Мытня спыніла вываз у Літву 530 кг тытуню для кальянаў

10 кастрычніка, Позірк. Аб спыненні вывазу ў Літву 530 кг тытуню для кальянаў на суму 117 тыс. рублёў паведамляе Дзяржаўны мытны камітэт (ДМК).

Вывезці 415 найменняў тытуню спрабаваў 38-гадовы грамадзянін Малдовы. Як адзначаецца, ён з указаным грузам ехаў на аўтамабілі “Фальксваген” па чырвоным калідоры праз пункт пропуску Каменны Лог (з літоўскага боку Мядзінінкай).

Мужчына прыцягнуты да адміністрацыйнай адказнасці ў адпаведнасці з ч. 1 арт. 13.21 КаАП (незаконнае перамяшчэнне, захоўванне, вытворчасць, перапрацоўка і рэалізацыя алкагольнай прадукцыі, нехарчовай спіртазмяшчальнай прадукцыі, этылавага спірту і тытунёвых вырабаў). Ён аштрафаваны 50 базавых велічынь (2.100 рублёў).

Тытунёвая прадукцыя канфіскаваная.

Гл. таксама:

Амаль палова ўсіх кантрабандных цыгарэт увозіцца ў Літву з Беларусі

У Літве затрыманая партыя беларускіх цыгарэт на 73 тыс. еўра