Колькасць загінулых на пажарах у 2025 годзе дасягнула 400 — даныя МНС

8 кастрычніка, Позірк. Адзін чалавек загінуў ад агню ў Беларусі за мінулыя дзяжурныя суткі (з 6:00 7 кастрычніка да 6:00 8-га), вынікае са зводкі Міністэрства па надзвычайных сітуацыях.

Загінулая — жыхарка Гомеля, пенсіянерка 1941 года нараджэння. Пажар у яе кватэры адбыўся ўдзень 7 кастрычніка.

Паводле афіцыйных звестак МНС, у Беларусі з пачатку года адбылося 5.096 пажараў — на 8,1% больш, чым на аналагічную дату 2024-га (4.714). Загінула 400 чалавек (366; +9,3%).

“Позірк” неаднаразова звяртаў увагу на тое, што МНС перыядычна карэктуе статыстыку смяротнасці на пажарах у бок змяншэння. Аб папярэднім такім выпадку паведамлялася 5 кастрычніка.