Літва можа абмежаваць аб’ём паліва, якое ўвозіцца з Беларусі ў баках аўтамабіляў

8 кастрычніка, Позірк. Магчымасць абмежавання аб’ёму паліва, якое ўвозіцца з Беларусі ў баках транспартных сродкаў, разглядаецца ўладамі Літвы, паведамляе партал Delfi.

Адзначаецца, што максімальны дазволены аб’ём можа скласці 200 літраў.

Як заявіў міністр фінансаў Літвы Крыступас Вайтэкунас, значная колькасць дызельнага паліва ўвозіцца ў краіну з трэціх краін, у прыватнасці, з Беларусі.

“Мы вырашылі, што з гэтым можна змагацца, абмяжоўваючы колькасць дызпаліва, які ўвозіцца ў баках. Гэтая мера аналагічная той, якую выкарыстоўваюць нашы суседзі ў Польшчы і Латвіі», — адзначыў Вайтэкунас.

Паводле слоў міністра, гэта абмежаванне можа быць карысным, калі ёмістасць бака грузавіка складае 1 або 1,5 тоны.

З 12 сакавіка гэтага года пры ўездзе грузавых транспартных сродкаў на тэрыторыю Літвы з Беларусі (пункты пропуску Мядзінінкай і Шальчынінкай) і Калінінградскай вобласці Расіі (пункт пропуску Кібартай) і выездзе назад было ўведзена абавязковае электроннае дэклараванне колькасці паліва ў паліўных баках