За час уборкі ўраджаю выяўлена больш за 10 тыс. парушэнняў патрабаванняў па ахове працы
7 кастрычніка, Позірк. Больш за 10 тыс. парушэнняў патрабаванняў па ахове працы выявілі за час уборачнай кампаніі мабільныя групы Міністэрства па працы і сацыяльнай абароне.
Паводле інфармацыі прэс-службы ведамства, па выніках каля 1 тыс. маніторынгаў у сельгасарганізацыях прыпынялася праца 346 станкоў, машын ды іншага вытворчага абсталявання, эксплуатацыя якіх “стварала пагрозу жыццю і здароўю работнікаў”.
“Праз неправядзенне інструктажоў па ахове працы, медыцынскіх аглядаў, адсутнасць сродкаў індывідуальнай абароны адхіляліся ад працы 840 чалавек”, — гаворыцца ў паведамленні.
